1) მეფეს ლხინი გაუმართავს,

არ აკლია ომბალო,

ჩვენ თუ ჩვენს თავს არ ვუშველეთ,

ჩვენ გვიშველის ოსმალო?!



2) კარგი მეფე მეგონე და

გამოდექი ავი,

ერთი რაღაც დეხუმრე და

უნდა მომჭრა თავი?!


3) გავღარიბდი აღარ შემრჩა

არც შარვალი, არც კურტკა,

უხელფასოდ ამ ჩემს ცოლ-შვილს

რა ვაჭამო, მარშრუტკა?!


4) გააძვირეს ნაწილები,

ბენზინი და დიზელი,

ნატურალურ წვენებს ვსვამდი,

ახლა რა ვსვა, კისელი?!


5) ვმუშაობდი რა მიჭირდა,

ფორდიც მყავს და ტრანზიტიც,

ახლა შუბლზე მივიმაგრო

იმოდენა მაგნიტი?!


6) ეს მთავრობა ჩვენს ღარიბებს

გაუჩინარს გაუჩენს,

გულზე ხელი დავიკრიფო,

ვენდო მაგათ ვაუჩერს?!


7) დიდი ვარდები ვიყიდე

ნატაშასთანაც ავვარდი,

ას დოლარს რომ საათში მთხოვ

მე მოგილოცო რვა მარტი?!


8) შეყვარებულს სარვამარტოდ

ვერ ვუყიდე ვარდები,

მწვანე ხახვი რომ ვაჩუქო

მაგით შევუყვარდები?!


9) ახლგაზრდას სასმელისკენ

გაგირბოდა თვალი,

რომ დაბერდი, არ ვარგიხარ

ახლა გინდა ქალი?!