"ბარსელონას" ვიცე-პრეზიდენტმა ხოსელ მარია ბარტომეუმ განაცხადა,რომ ის არ აპირებს "ტოტენჰემის" ვინგერის გარეტ ბეილის და "არსენალის" თავდამსხმელ რობინ ვან პერსის ყიდვას.მან აღნიშნა,რომ კატალონიელები არ დახარჯავენ ფულს ისეთ ფეხბურთელებზე,რომლებსაც არ სურთ "ბარსელონაში" გადმოსვლა.
უკვე დიდი ხანია დადის ჭორები იმის თაობაზე,რომ ესპანურ გრანდს სურდა გარეტ ბეილის და ვან პერსის ყიდვა.მაგრამ ნათლად ჩანდა,რომ არც "არსენალი" და არც "ტოტენჰემი" არ აპირებდა საკუთარი ფეხბურთელის გაშვებას.
"ისინი კარგი ფეხბურთელები არიან,მაგრამ ჩვენ არ დავარღვევთ ტრადიციას და თითო ფეხბურთელში არ გადავიხდით 40-50 მილიონ ევროს,ეს წარმოუდგენელია!"
"ეს ჩვენი გადაწყვეტილებაა,ჩვენ არ ვაპირებთ ყველა კლუბს ვებრძოლოთ,ფეხბურთელი რომელსაც არ სურს "ბარსელონაში" თამაში - ასეთი მოთამაშის ყიდვას არ ვაპირებთ" - ციტირებს ბარტომეუს სიტყვებს ESPN. |