მადრიდის "რეალის" მთავარმა მწვრთნელმა, ჟოზე მოურინიომ ესპანურ მედიასთან
საუბრისას განაცხადა, რომ თუ მისი გუნდი მოახერხებს წელს ჩემპიონთა ლიგის
მოგებას, ეს ყოველივე არ მოახდენს გავლენას მის მომავალზე.
ბევრი
მიიჩნევს, რომ თუ მოხდება ასე და "რეალი" მოიგებს ჩემპიონთა ლიგას,
პორტუგალიელი სპეციალისტი დატოვებს მადრიდულ კლუბს, როგორც ეს მოხდა
"პორტუში" და "ინტერში" მუშაობისას.
"თუ წელს შევძლებთ
ჩემპიონთა ლიგის მოგებას შემიძლია ვთქვა, რომ ეს ყოველივე არ მოახდენს
გავლენას ჩემს მომავალზე. მე არ დამიტოვებია "პორტუ" იმის გამო, რომ მოვიგე
ეს ტურნირი, დავტოვე კლუბი იმის გამო, რომ მქონდა სხვა ამბიციები. ასევე
"ინტერში" მუშაობისას კვლავ მამოძრავებდა ის მიზანი, რომ გავსულიყავი
ფინალში და კვლავ აღმემართა ეს თასი, დავამარცხეთ "ბაიერნი" და მოვიპოვეთ
კიდევაც ეს ტიტული." - განაცხადა მოურინიომ. |