მიუნხენის ''ბაიერნის'' პრეზიდენტმა ული ჰიონესმა გაბრაზებით უპასუხა შეკითხვას რიბერის ინციდენტთან დაკავშირებით.

შეგახსენებთ, რომ გერმანელებმა შვეიცარიაში ''ბაზელთან'' მინიმალური ანგარიშით წააგეს შეხვედრა, რომლის 71-ე წუთზე ფრანგი ვარსკვლავი ჰაინკესმა თომას მიულერით ჩაანაცვლა.

როდესაც დატოვა რიბერიმ მოედანი, ჰაინკესს ისე აუარა გვერდი, რომ ხელიც კი არ ჩამოურთმევია, რის გამოც მატჩის შემდეგ პრესკონფენერციაზე ჰიონესს შეეკითხნენ იმის შესახებ, იყო თუ არა რაიმე კონფლიქტის მსგავსი ფეხბურთელსა და მწვრთენლს შორის. კლუბის პრეზიდენტმა კი პასუხი გინებით გასცა ჟურნალისტებს.

"მორჩით ამ დედ**** ხელის ჩამორთმევასთან დაკავშირებულ შეკითხვებს."-განაცხადა ულიმ Sky Sport HD-თან ინტერვიუში.

"თქვენ ამის შესახებ მხოლოდ ნერვების მოშლის მოტივით აგრძელებთ ლაპარაკს."

"ვის სურს ხელის ჩამორთმევა ასეთი მატჩის შემდეგ?! სკოლის მოსწავლეები ვართ თუ რა ხდება გამაგებინეთ?"

ჰიონესს შვიცარიაში განცდილი გულდასაწყვეტი მარცხის შესახებაც დაუსვეს შეკითხვა, რაზეც მან ასეთი კომენტარი გააკეთა:

"ძალიან რთული იყო ასეთი ცუდი ხარისხის მოედანზე თამაში."