ბარსელონას ლეგენდა, იოჰან კრუიფი, დარწმუნებულია, რომ გვარდიოლა სეზონის ბოლოს გუნდს გაჭირვებაში არ მიატოვებს.
კატალონიელთა 41 წლის სპეციალისტს ჯერ არ მიუღია გადაწყვეტილება გააგრძელებს თუ არა კონტრაქტს კლუბთან, რომელსაც ვადა ნახევარ წელში გასდის.
მიუხედავად ამისა, ჰოლანდიელი ლეგენდა იმედს ამყარებს, რომ გვარდიოლა თავის გეგმებს უახლოეს მომავალში გააცნობს პრესას.
"გვარდიოლა ბარსელონაში თამაშობდა, ახლა კი ამ გუნდის მწვრთნელია. ის გუნდის ერთგულია და გაჭირვებაში არ მიატოვებს მას." განაცხადა კრუიფმა
"ის ორ თვეს არ მოიცდის გადაწყვეტილების მიღებამდე. თავის მომავალთან დაკავშირებით ეჭვი, რომ არ ჰქონოდა, გადაწყვეტილება უკვე გაკეთებული ექნებოდა."
გვარდიოლამ შეცვალა ფრენკ რაიკარდი მთავარი მწვრთნელის პოსტზე 2007-2008 წლის სეზონის შემდეგ და უკვე მოიგო 13 ტიტული - 2 ჩემპიონთა ლიგის, 3 ლა ლიგის და 2 მსოფლიოს საკლუბო ჩემპიონატის ჩათვლით. |