გუშინ საქართველოს ნაკრების მთავარი მწვრთნელი თემურ ქეცბაია მოლდაველებთან ამხანაგური მატჩისთვის მოსამზადებლად თბილისში ჩამოვიდა. მან მცირე კომენტარი აეროპორტშივე გააკეთა, რომელშიც გოგიტა გუგუასა და დავით მუჯირზე ტელეკომპანია "იმედის" მიერ დასმულ შეკითხვებს გასცა პასუხი. ქეცბაიას თქმით, გოგუასთვის შეურაცხყოფის მიყენებაზე საუბარი სისულელე და რიგითი ჭორია, რის გამოც "იჟნი ნოვგოროდის" ვოლგას მოთამაშესთან შეხვედრას საჭიროდ არ თვლის. რაც შეეხება მუჯირის საგაზეთო წერილს - "ნაკრების თავკაცს ეროვნული გუნდი არასწორი მიმართულებით მიყავს", ქეცბაიამ იაპონურ "ჰიროშიმაში" მოასპარეზე ფეხბურთელის განცხადებას უსაფუძვლო უწოდა და დაამატა, რომ მუჯირის აზრი მისთვის მნიშვნელოვანი არ არის. იქვე თემურ ქეცბაია ჟურნალისტს პრესკონფერენციის გამართვას დაპირდა თუმცა კონკრეტული თარიღი არ დაუსახელებია. ცნობილი გახდა ისიც, რომ ორშაბათს 23.00 საათზე თემური საზოგადოებრივი არხის სტუმარი იქნება. |