ბრაზილიის ნაკრების შემტევი ნეიმარი, დევიდ ბექჰემის წინააღმდეგ თამაშზე ოცნებობს.
სანტოსის ვარვსკვლავმა ვეტერანი ინგლისელი გასულ წელს გაიცნო და იმის შემდეგ მათ საკმაოდ თბილი ურთიერთობა აკავშირებთ.
როდესაც საუბარი ბექჰემზეა ნეიმარი არასდროს იშურებს კომპლიმენტებს ინგლისელის მისამართით:
"დევიდი ჩემთვის უდიდესი პიროვნებაა და მასთან ერთად ერთ მოედანზე ყოფნა ჩემთვის ნამდვილი პატივია."
"მე მქონდა ერთი წლის წინ ბექჰემის გაცნობის ბედნიერება და იმის შემდეგ კვლავ მასთან შეხვედრას ვნატრობ, მაგრამ ამჯერად უკვე საფეხბურთო მოედანზე."
"იმედი მაქვს, რომ ბექჰემი შეძლებს მომავალ ოლიმპიურ თამაშებზე მონაწილეობის მიღებას. ჩემი ოცნებაა სწორედ ამ ტურნირზე მასთან შეხვედრა."
"ვიცი, რომ ევროპელი ფეხბურთელები არ აქცევენ დიდ ყურადღებას ოლიმპიურ თამაშებს, თუმცა იმედი მაქვს ბექსი ამ კატეგორიას არ მიეკუთვნება."-დაასრულა ნეიმარმა |