საქართველოს ფეხბურთის ფედერაციის ინიციატივით, უმაღლესი და პირველი ლიგის კლუბებს საჩუქრად ბურთები გადაეცემათ. სასაჩუქრე ბურთებს მხოლოდ ის კლუბები მიიღებენ, რომლებსაც ბავშვთა ასაკობრივი გუნდი ჰყავთ. ამ ბურთებით თამაშს მხოლოდ დუბლშემადგენლობები და ბავშვთა გუნდები შეძლებენ. სფფ პირველ აქციას 2 ნოემბერს "ფოლადის სტადიონზე" გამართავს. ამ დღეს "მეტალურგი" სათასო მატჩს "ჩიხურას" წინააღმდეგ გამართავს, მატჩის პირველი ტაიმის დამთავრების შემდეგ სფფ-ს პრეზიდენტი რუსთავის კლუბის ხელმძღვანელობას და კლუბის სხვადასხვა ასაკობრივ გუნდში მონაწილე ბავშვებს 100 ბურთს გადასცემს.
მსგავსი აქციები მთელი თვის მანძილზე გაგრძელდება.
3 ნოემბერს "მიხეილ მესხის" სტადიონზე ბურთები გადაეცემა პირველ ლიგაში მონაწილე ყველა გუნდს.
4 ნოენმბერს - ბოლნისის "სიონს" 6 ნოემბერს - "ვიტ-ჯორჯიას" 8 ნოემბერს - "გაგრას" 10 ნოემბერს - ცხინვალის "სპარტაკს" 15 ნოემბერს - გორის "დილას"
აქცია გაგრძელდება დეკემბერში და ბურთებს მიიღებს უმაღლეს ლიგაში დარჩენილი ექვსი გუნდი.
მოგესალმებით სტუმარი 
თამაშები
ფილმები 
