"მანჩესტერ სიტის" ხელმძღვანელები და ასევე კლუბის მწვრთნელები ძალიან დიდ ინტერეს იჩენენ, მადრიდის "რეალის" არგენტინელი თავდამსხმელის, გონსალო იგუაინის მიმართ. გვამცნობს ამ ინფორმაციას ესპანური მედია.
იგუაინის სანაცვლოდ, ინგლისური კლუბი მზად არის მადრიდულ კლუბს შესთავაზოს გუნდის შერცხვენილი ფეხბურთელი კარლოს ტევესი. როგორც მოგეხსენებათ ტევესსა და მანჩინის შორის საკმაოდ დაძაბული ურთიერთობაა და ამიტომაც არგენტინელი ფეხბურთელის კლუბში დარჩენა უკვე კითხვის ნიშნის ქვეშ დგას.
შესაძლოა ითქვას, რომ პიპიტას კლუბიდან წასვლის შანსი საკმაოა, რადგანაც გუნდის მწვრთნელს, ჟოზე მოურინიოს არჩევანი ამჟამად ფრანგ თავდამსხმელზე, კარიმ ბენზემაზე აქვს გაკეთებული და სწორედ იგია გუნდის ძირითადი წევრი.
ასევე აღსანიშნავია ის ფაქტიც, რომ ცოტახნის წინ ესპანურმა გამოცემამ "მარკამ" ჩაატარა გამოკითხვა იმაზე, რომ სურთ თუ არა გულშემატკივრებს იგუაინის გუნდში დარჩენა. საბოლოოდ კი ფანებს გამოკითხვის შედეგით გონსალოს "რეალში" დარჩენა სურთ. |