ლონდონის "ტოტენჰემის” ნახევარმცველმა რაფაელ ვან დერ ვარტმა ტრავმა მოიშუშა. 28 წლის ჰოლანდიელი დარწმუნებულია, რომ "არსენალთან” პრემიერლიგის უახლოესი ტურის მატჩში მინდორზე გასვლას შეძლებს.

 "თავს მშვენივრად ვგრძნობ. აღდგენითი პროცესი იმაზე სწრაფად მიმდინარეობს, ვიდრე ველოდი. ოთხშაბათიდან გუნდთან ერთად სრული დატვირთვით ვარჯიშს განვაახლებ. 100%-ით "არსენალთან” ლონდონურ დერბიზე ვარ კონცენტრირებული. ვფიქრობ, ჩემი დაბრუნება ამ მატჩში შედგება.” - განაცხადა ჰოლანდიელმა.

შეგახსენებთ, რომ ლონდონური დერბი კვირას გაიმართება.