საქართველოს მორაგბეთა ეროვნული ნაკრები, თავის მესამე მსოფლიო თასს 14 სექტემბერს, თბილისის დროით 11:30 საათზე, შოტლანდიასთან მატჩით ხსნის. ინვერქარგილში წვიმს და თუ პროგნოზებს დავუჯერებთ, თამაშის დღეს, შესაძლოა, თოვლიც წამოვიდეს. "ბორჯღალოსნები” კი, წლის უმნიშვნელოვანეს დაპირისპირებას სრულ მზადყოფნაში ხვდებიან და მსოფლიო თასზე პირველი სენსაციის მოსახდენად ემზადებიან.